Մեծ Բրիտանիայի հրահանգիչները դասընթաց են անցկացրել ՀՀ ՊՆ խաղաղապահ բրիգադի հրահանգչական կազմի հետ
![Մեծ Բրիտանիայի հրահանգիչները դասընթաց են անցկացրել ՀՀ ՊՆ խաղաղապահ
բրիգադի հրահանգչական կազմի հետ Մեծ Բրիտանիայի հրահանգիչները դասընթաց են անցկացրել ՀՀ ՊՆ խաղաղապահ
բրիգադի հրահանգչական կազմի հետ](http://armenpress.am/static/news/b/2018/03/926485.jpg)
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Մեծ Բրիտանիայի զինված ուժերի ռազմական ուսումնախորհրդատվական խմբի հրահանգիչների կողմից ՀՀ ԶՈՒ «ԶԱՌ» ուսումնական կենտրոնում ՀՀ ՊՆ խաղաղապահ բրիգադի հրահանգչական կազմի համար փետրվարի 18-ից մարտի 16-ը անցկացվել է խաղաղապահ հրահանգիչների դասընթաց, որի շրջանակում 20 հրահանգիչներ պատրաստվել են միջազգային չափորոշիչներին համապատասխան մեթոդաբանության խաղաղապահ դասընթացներ անցկացնելու համար:
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, մարտի 16-ին, դասընթացի ավարտական արարողության ժամանակ, շրջանավարտներին ավարտական հավաստագրերն է հանձնել ՀՀ-ում Միացյալ Թագավորության դեսպան Ջուդիթ Ֆարնուորթը: Պարապմունքի ընթացքում առավել ակտիվություն և գիտելիքների բարձր մակարդակ ցուցաբերած զինծառայողները պարգևատրվել են խորհրդանշական նվերներով:
Բաժանորդագրվեք մեր ալիքին Telegram-ում