Լոնդոնն անհրաժեշտ Է համարում դիմակայել Ռուսաստանին. Մեյ

ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: Մեծ Բրիտանիայի վարչապետ Թերեզա Մեյը Ռուսաստանը համարել Է թշնամի պետություն եւ հայտարարել նրա գործողություններին դիմակայելու անհրաժեշտության մասին: Ինչպես տեղեկացնում Է «Արմենպրես»-ը՝ հղում անելով ՏԱՍՍ-ին, այդ մասին նա լրագրողներին ասել Է նոյեմբերի 24-ին Բրյուսելում բացվող «Արեւելյան գործընկերության» գագաթնաժողովի բացվելուց առաջ:

«Մենք պետք Է զգոն լինենք թշնամական պետությունների, ինչպես, օրինակ, Ռուսաստանի գործողությունների նկատմամբ, որոնք սպառնում են մեր արեւելյան հարեւանների պոտենցիալ աճին եւ փորձում են թուլացնել մեր հավաքական ուժը: Ես այսօր անհամբերությամբ եմ սպասում եվրոպական երկրների՝ միասին աշխատելու նոր խոստումներին, որպեսզի դիմակայենք այդ ընդհանուր մարտահրավերներին ինչպես անվտանգության, այնպես Էլ զարգացման ոլորտում»,-ասել Է Մեյը: