Facebook-ը, Twitter-ը, YouTube-ը եւ Microsoft-ը միավորվել են ծայրահեղականության դեմ պայքարում

1 րոպեի ընթերցում

ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Facebook-ը, Twitter-ը, YouTube-ը եւ Microsoft-ը հայտարարել են միավորվելու մասին՝ իրենց կայքերի միջոցով ծայրահեղական կոնտենտի տարածման դեմ պայքարելու համար: Ինչպես հաղորդում Է «Արմենպրես»-ը՝ հղում անելով ՌԻԱ Նովոստիին, այս մասին ասված Է ընկերությունների համատեղ հայտարարության մեջ, որը տարածվել Է դեկտեմբերի 6-ին:

Դրա համար վեբ-հսկաներն սկսում են այն ֆոտո- եւ տեսանյութերի «թվային դրոշմների» փոխանակումը, որոնք ավելի վաղ ճանաչվել են ծայրահեղական եւ հեռացվել իրենց պորտալներից: Դրանք եզակի նույնացուցիչներ են, որոնք տրվում են արմատականների կողմից ցանցում ստեղծվող եւ տարածվող կոնտենտին:

Այդ տեխնոլոգիայի միջոցով համաձայնության մասնակիցները նախատեսում են իրենց հարթակներում բացահայտել ծայրահեղականների հետ պոտենցիալ կերպով կապված գրառումները եւ հեռացնել դրանք:

Արդյունքում կստեղծվի այդպիսի «դրոշմների» տվյալների ընդհանուր պահոց, դրա գործարկումը նախատեսված Է 2017 թվականի սկզբին:

Նաեւ համատեղ հայտարության մեջ նշված Է, որ իրենց օգտատերերի անձնական տվյալներն ընկերությունները չեն փոխանակի:

Բաժին

Ինովացիա