ԱՄՆ-ը խոստացել է եւս 364 մլն դոլար հատկացնել Սիրիային մարդասիրական օգնություն ցուցաբերելու համար

ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ը պլանավորում Է ավելի քան 364 մլն դոլար հատկացնել Սիրիային մարդասիրական օգնություն ցուցաբերելու համար: Այդ մասին, ինչպես տեղեկացնում Է «Արմենպրես»-ը, սեպտեմբերի 27-ին հայտարարել Է ԱՄՆ-ի պետքարտուղարի՝ բնակչության, փախստականների եւ գաղթի հարցերով օգնական Էնն Ռիչարդը:

«Այսօր ես ուրախ եմ հայտարարել, որ ԱՄՆ-ը, որպես հավելյալ մարդասիրական օգնություն, ավելի քան 364 մլն դոլար կհատկացնի Սիրիայում պատերազմից տուժածներին օգնելու համար»,- ասել Է նա Պետդեպարտամենտում կայացած ճեպազրույցի ժամանակ:

Ռիչարդը պարզաբանել Է, որ այդպիսով այն ընդհանուր գումարը, որը ԱՄՆ-ը Սիրիայում հակամարտության սկսվելու պահից տրամադրել Է այդ երկրում հումանիտար ճգնաժամը կանխելու համար, գերազանցել Է 5,9 մլրդ դոլարը: Ընդսմին նա ընդգծել Է, որ ԱՄՆ-ը կշարունակի կատարել փախստականների ընդունման ծրագիրը:

«Ես ուրախ եմ հայտնել, որ այս շաբաթ մենք կիրագործենք ավելի շատ փախստականներ ընդունելու մեր նպատակը, քան ընդունել Էինք վերջին 15 տարում: Մենք ուրախ ենք նոր Էջ բացել մոտավորապես 85 հազար մարդու կյանքում»,- հավելել Է նա, հաղորդել Է «Ինտերֆաքս»-ը:

Լուսանկարը` Reuters