387.58
Սահմանին իրավիճակը վերջին երկու տարվա ընթացքում ամենահանգիստն է. Դավիթ Բաբայան
1 րոպեի ընթերցում
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Վերջին երկու տարվա կտրվածքով այս օրերին սահմանին իրավիճակն անհամեմատելիորեն հանգիստ է: «Արմենպրես»-ի փոխանցմամբ` այս մասին լրագրողների հետ ճեպազրույցում հայտնեց Լեռնային Ղարաբաղի Հանրապետության նախագահի մամուլի խոսնակ Դավիթ Բաբայանը:
«Իրավիճակը սահմանին նորմալ է, իհարկե, ամեն ինչ համեմատության մեջ է: Եթե մենք փորձենք համեմատել քառօրյա պատերազմի օրերի հետ, անհամեմատելի է, քանի որ այն եղել է լայնածավալ պատերազմ: 2014 թվականից սկսած` իրավիճակը շատ ավելի հանգիստ է այսօր»,-ասաց Դավիթ Բաբայանը:
Նա նկատեց, որ կրակոցներ, զինադադարի ռեժիմի խախտումներ արձանագրվում են, բայց դրանք քանակական ու որակական առումով անհամեմատելի են այն իրավիճակի հետ, որն առկա է եղել վերջի երկու տարվա ընթացքում:
