Ուկրաինայում հայկական գրատպության 400-ամյակը կնշեն բազմաթիվ միջոցառումներով
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Ուկրաինայի մայրաքաղաք Կիևում կազմակերպված հատուկ միջոցառման ժամանակ հայկական համայնքի անդամները, ուկրաինացի գիտանականներն ու փորձագետները քննարկել են Ուկրաինայում հայկական գրատպության 400 ամյակին նվիրված միջոցառումների շրջանակը: Ինչպես հաղորդում է «Արմենպրես»-ը, այս մասին տեղեկացնում է analitikaua.net-ը:
Կլոր սեղան-քննարկման ժամանակ որոշում է կայացվել, որ «Ուկրաինայի հայերը» քաղաքացիական հարթակի և Ուկրաինայի հայերի միության պատմամշակութային ժառանգության հարցերով զբաղվող կոմիտեի մասնակիցներն ավելի սերտ համագործակցություն իրականացնեն:
Մարտի 11-ին Կիրովոգրադում կկայանա Ուկրաինայի հայերի միության կոնֆերանսը, որի քննարկման հիմնական թեմաներից է լինելու Ուկրաինայում հայկական գրատպության 400 ամյակը:
Ուկրաինայում առաջին հայկական գիրքը՝ «Դավիդը և Սաղմոսը» տպագրվել է Լվովում 1616 թվականի դեկտեմբերի 15-ին: Լվովը դարձել է հայկական գրատպության չորրորդ կենտրոնը Վենետիկից, Կոստանդնուպոլսից և Հռոմից հետո:
Բաժանորդագրվեք մեր ալիքին Telegram-ում