ԵԱՀԿ ԽՎ-ն Հարավային Կովկասում նոր հատուկ ներկայացուցիչ ունի

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: ԵԱՀԿ Խորհրդարանական վեհաժողովի նախագահ Իլկա Կաներվան Կրիստիան Վիգեին նշանակել է ԵԱՀԿ ԽՎ՝ Հարավային Կովկասի հարցերով հատուկ ներկայացուցչի պաշտոնում: Այս մասին «Արմենպրես»-ին տեղեկացրեց ՀՀ Ազգային ժողովի հասարակայնության եւ տեղեկատվության միջոցների հետ կապերի վարչության պետ Արսեն Բաբայանը: Դեռևս հայտնի չէ, թե նոր հատուկ ներկայացուցիչը երբ կայցելի տարածաշրջան:

Հատուկ ներկայացուցիչը ջանքեր կգործադրի տարածաշրջանային մեծ նշանակություն ունեցող հարցերի կարգավորման ուղղությամբ:

Մինչ նոր նշանակումը, ԵԱՀԿ Խորհրդարանական վեհաժողովի՝ Հարավային Կովկասի հարցերով հատուկ ներկայացուցչի պաշտոնը զբաղեցնում էր Ժոաո Սոարեշը: