387.58
Տավուշի մարզում վիրավորված զինծառայող Ռուսլան Մկրտչյանի վիճակը բավարար է
1 րոպեի ընթերցում
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: Հայ-ադրբեջանական սահմանին հակառակորդի անդադար կրակահերթի արդյուքում սեպտեմբերի 21-ին վնասված պայմանագրային զինծառայող Ռուսլան Մկրտչյանի վիճակը բավարար է: Այս մասին «Արմենպրես»-ին հաղորդեցին ՀՀ պաշտպանության նախարարությունից:
«Պայմանագրային զինծառայողը ստացել էր կրծքավանդակի շրջանում թեթև բեկորային վնասվածք և այս պահին գտնվում է բժիշկների հսկողության տակ», - տեղեկացրեցին ՀՀ պաշտպանության նախարարության տեղեկատվության եւ հասարակայնության հետ կապերի վարչությունից:
Նախօրեին ադրբեջանական կողմը տարբեր տրամաչափի զինատեսակներից գնդակոծել է Տավուշի մարզի Բաղանիս գյուղի և հարակից տարածքներում տեղակայված հայկական դիրքերը։ Գիշերը ադրբեջանական կողմը թիրախավորել է նաև Բաղանիս գյուղը, այդ թվում` գյուղի դպրոցը: Վնասները նյութական են: Այս պահին սահմանին հարաբերական անդորր է:
