ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային թիմն առաջադիմել է ՖԻՖԱ-ի ընթացիկ ամսվա վարկանիշային աղյուսակում:
Հայաստանի ազգային թիմը բարելավել է դիրքերը 5 հորիզոնականով և այժմ զբաղեցնում է 83-րդ հորիզոնականը: Հավաքականն ունի 394 միավոր:
«Արմենպրես»-ի հաղորդմամբ, լավագույն եռյակն անփոփոխ է` Արգենտինա, Բելգիա, Գերմանիա: Լավագույնների շարքում են նաև Կոլումբիան, Բրազիլիան, Ռումինիան, Չիլին, Ուելսը եւ Անգլիան:
Հայաստանի ֆուտբոլի ազգային թիմը հաջորդ հանդիպումը կանցկացնի արդեն սեպտեմբերի 4-ին` մրցելով Սերբիայի հավաքականի հետ: