ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Առնվազն ութ մարդ Է զոհվել Փարիզի հյուսիսային շրջանի բնակելի շենքերից մեկում բռնկած հրդեհի հետեւանքով, տեղեկացնում Է «Արմենպրես»-ը՝ հղում անելով BBC-ին:
Նրանցից երկուսը մահացել են այն բանից հետո, երբ ցած են նետվել պատուհանից՝ փորձելով փրկվել կրակից: Բացի այդ, ինչպես հաղորդել Է «Ֆրանսպրես» գործակալությունը՝ վկայակոչելով ոստիկանության մի աղբյուրի, զոհվածների թվում կա երկու երեխա:
Հրդեհի պատճառներն առայժմ հայտնի չեն:
Կրակը բնակելի շենքում բռնկել Է տեղական ժամանակով առավոտյան ժամը 4:30-ին: Հրդեհն սկսվել Է առաջին հարկում, այնուհետեւ կրակը տարածվել Է վերին հարկեր:
Կրակի մարմանը մասնակցում են հարյուրից ավելի հրշեջներ:
Պատահարի վայր են ժամանել Ֆրանսիայի ներքին գործերի նախարար Բեռնար Կազնյովը եւ ոստիկանության պրեֆեկտ Միշել Կադոն:
Լուսանկարը` AFP