Իոսիֆ Կոբզոնը «գրական մենամարտի» է հրավիրել Պորոշենկոյին եւ Յացենյուկին

ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: ԽՍՀՄ ժողովրդական արտիստ Իոսիֆ Կոբզոնը հերթական մարտահրավերն է հղել Ուկրաինայի նախագահին եւ վարչապետին: Այս անգամ Կոբզոնն այն անվանել է «գրական»:

«Արմենպրես»-ի փոխանցմամբ, «Русская служба новостей» ռադիոկայանի ուղիղ եթերում Կոբզոնը գրական մենամարտի է կանչել Ուկրաինայի նախագահ Պյոտր Պորոշենկոյին եւ Արսենի Յացենյուկին: «Պատրաստ եմ Պորոշենկոյի եւ Յացենյուկի հետ մենամարտել, թե ով եւ որքանով է տեղեկացված ուկրաիներեն բանաստեղծություններից: Նրանք հրապարակային ելույթներ են ունենում, անգամ տհաճ է նրանց լսելը: Դոնբասում բնակիչները խոսում էին ռուսերեն` հարգելով գեղեցիկ ուկրաիներեն լեզուն»,- ասել է Կոբզոնը` հավելելով, որ եթե իր առաջարկն ընդունվի, ապա նա կհաղթանակի:

Մայիսին էլ Կոբզոնը Ուկրաինայի նախագահին եւ վարչապետին անվանել էր «Դոնբասի մարդասպաններ»: