Թուրքիան Սիրիայի հետ սահմանին ուժեղացրել է ռազմական ներկայությունը
10:39, 30 Հունիս 2015
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Թուրքիայի զինված ուժերը Սիրիայի հետ սահմանին նոր ռազմական տեխնիկա են կուտակել: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:
Գազիանթեփի (Այնթափ) Քարքամըշ գավառում գտնվող թուրք-սիրիական սահմանին կանգնեցվել են զգալի քանակությամբ զրահատեխնիկա և զրահամեքենաներ: Ուժեղացվել է սահմանային շրջանների վերահսկողությունը:
Թուրքիայի վարչապետ Ահմեթ Դավութօղլուն ավելի վաղ հայտարարել էր, որ Անկարան պատրաստ է Թուրքիան վտանգող ցանկացած ուժի դեմ զորք կիրառելու հարցում: Նման հայտարարությամբ նախօրեին հանդես էր եկել նաև Թուրքիայի նախագահ Էրդողանը:
Բաժանորդագրվեք մեր ալիքին Telegram-ում