«Արմենպրես»-ն արդեն ստանում է շնորհավորանքներ հիմնադրման տարեդարձի առթիվ. ՏԱՍՍ-ն առաջինն է
2 րոպեի ընթերցում
![«Արմենպրես»-ն արդեն ստանում է շնորհավորանքներ հիմնադրման տարեդարձի առթիվ. ՏԱՍՍ-ն առաջինն է](http://armenpress.am/resized/480/static/news/b/2014/12/788249.jpg)
ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանյան ՏԱՍՍ լրատվական գործակալությունը շնորհավորել է «Արմենպրես»-ին հիմնադրման օրվա կապակցությամբ: Մասնավորապես, ռուսական գործակալության գլխավոր տնօրեն Սերգեյ Միխայլովը «Արմենպրես» լրատվական գործակալության տնօրեն Արամ Անանյանին ուղղված շնորհավորական նամակում գրել է. «Երկար տարիների գործունեության ընթացքում «Արմենպրես» գործակալությունը հասել է բարձունքների և մեծ հեղինակություն է վայելում իր բաժանորդների և գործընկերների շրջանում: Տարբեր թեմաների և իրադարձությունների լուսաբանումը, ժամանակին և ճշգրիտ տեղեկատվության ապահովումը ձեզ ապահովում է լայն լսարան: Մենք վստահ ենք, որ «Արմենպրես»-ի ստեղծագործ աշխատակազմը կշարունակի ավելացնել իր պրոֆեսիոնալիզմը` առաջնորդվելով լրագրողական էթիկայի սկզբունքներով, և էական ներդրում կունենա միջազգային լրատվական համագործակցության ամրապնդման գործում:
Անկեղծորեն ցանկանում եմ երկար տարիների արդյունավետ աշխատանք, բարգավաճում և նորանոր հաջողություններ: Օգտվելով առիթից` ես նաև ցանկանում եմ հույս հայտնել, որ մեր գործակալությունների միջև կշարունակվի լավ հարաբերությունների պահպանումը: Ընդունեք մեր ամենաջերմ շնորհավորանքները»:
Դեկտեմբերի 18-ն«Արմենպրես»-իհիմնադրման օրն է:1918թ.Հայաստանի Ազգային խորհրդի հենց այդ օրվա նիստի արձանագրությունով ազդարարվեց Հայաստանի նորանկախ պետության համար մեծ իրադարձություն հանդիսացող Հայաստանի հեռագրական գործակալության ծնունդը: