Հայաստանի ռուսական ռազմակայանում կանգնեցրել են Միխայիլ Կալաշնիկովի հուշարձանը
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ռուսական ռազմակայանի «Մեծ ամրոց» զինվորական ավանի տարածքում կանգնեցված է զենքի լեգենդար կոնստրուկտոր, Ռուսաստանի հերոս գեներալ-լեյտենանտ Միխայիլ Կալաշնիկովի հուշարձանը:
Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից, շուրջ երեք մետր բարձրությամբ հուշարձանը, որտեղ Մ. Կալաշնիկովը պատկերված Է ամբողջ հասակով, պատրաստվել է քարից Երեւանում: Քարտաշներին հաջողվել Է բավականին ճիշտ մարմնավորել լեգենդար զինագործի կերպարը՝ նրան բնորոշ գծերով:
Նախագիծն իրագործվել է ռազմակայանի հրամանատար գնդապետ Անդրեյ Ռուզինսկու նախաձեռնությամբ, որը կես տարի առաջ առաջարկել Էր բացել զորամասի թանգարան եւ դրա մոտ կանգնեցնել «զենքի վարպետի» հուշարձանը:
Ռուսական ռազմակայանի տարածքում թանգարանի եւ Միխայիլ Կալաշնիկովի հուշարձանի բացումը նշանակված Է այս տարվա նոյեմբերի 8-ին:
Բաժանորդագրվեք մեր ալիքին Telegram-ում