ՌԴ-ի նկատմամբ ԵՄ-ի նոր պատժամիջոցների փաստաթուղթը կհրապարկվի վաղն առավոտյան

ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Եվրամիության կողմից Ռուսաստանի նկատմամբ նոր պատժամիջոցների կիրառման փաթեթը կհրապարակվի սեպտեմբերի 12-ի առավոտյան: Այդ մասին «Ինտերֆաքս»-ին տեղեկացրել է ԵՄ ինստիտուտները ներկայացնող աղբյուրը:

«Դրանց հրապարակումը սպասվում է վաղն առավոտյան ուղիղ 9-ին: Միաժամանակ, դժվար է հստակ պատասխան տալ այս հարցում, քանի որ նախապատրաստումը և հրապարակումը կապված է համապատասխան տեխնոլոգիայի հետ, որը չես կարող նախատեսել րոպեական ճշգրտությամբ»,- «Արմենպրես»-ի փոխանցմամբ` ասել է գործակալության զրուցակիցը: