Սոբյանինն աշխատանքից հեռացրել է Մոսկվայի մետրոպոլիտենի պետին
1 րոպեի ընթերցում
![Սոբյանինն աշխատանքից հեռացրել է Մոսկվայի մետրոպոլիտենի պետին](http://armenpress.am/resized/480/static/news/b/2014/07/770206.jpg)
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Իվան Բեսեդինը Մոսկվայի մետրոպոլիտենի ողջ պատմության ընթացքում խոշորագույն տեխնածին աղետից հետո զրկվել Է ստորգետնյա այդ փոխադրամիջոցի պետի պաշտոնից, նրան փոխարինել Է Դիմիտրի Պեգովը, որը գլխավորում էր «Ռուսաստանի երկաթուղիների» արագընթաց հաղորդակցության տնօրենությունը: Այդ մասին, ինչպես տեղեկացնում Է «Արմենպրես»-ը, հուլիսի 22-ին հայտնել է Մոսկվայի քաղաքագլուխ Սերգեյ Սոբյանինը:
«Ողբերգությունը առ ոչինչ դարձրեց այն հսկայական աշխատանքը, որ մետրոյում կատարվում Էր վերջին տարիներին: Այդ կապակցությամբ մետրոյի ղեկավար Բեսեդինը հեռացված Է զբաղեցրած պաշտոնից: Նրա փոխարեն նշանակվում Է Դմիտրի Վլադիմիրովիչ Պեգովը»,-ասել Է Սոբյանինը ՌԴ-ի մայրաքաղաքի կառավարության նիստում:
Ինչպես այսօր ՌԻԱ Նովոստիին հայտնել Է Մոսկվայի առողջապահության դեպարտամենտի ղեկավար Գեորգի Գոլուխովը, քաղաքի հիվանդանոցներից դուրս Է գրվել հուլիսի 15-ի վթարից տուժած եւս ութ մարդ, եւ ներկայում հիվանդանոցներում գտնվում Է 109 մարդ: Նրա տվյալներով՝ ծանր վիճակում Է յոթ հոգի:
Ըստ վերջին տվյալների՝ Մոսկվայի «Պարկ Պոբեդի»-»Սլավյանսկի բուլվար» ուղեմասում տեղի ունեցած վթարի հետեւանքով զոհվել է 22 մարդ: