Եվրակոմիսար Էթինգերը ՌԴ-ի եւ Ուկրաինայի Էներգետիկայի նախարարներին հրավիրել Է գազին խնդրին նվիրված առաջին հանդիպմանը
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Եվրամիության Էներգետիկայի հարցերի կոմիսար Գյունտեր Էթինգերը ՌԴ-ի Էներգետիկայի նախարար Ալեքսանդր Նովակին եւ Ուկրաինայի Էներգետիկայի եւ ածխարդյունաբերության նախարար Յուրի Պրոդանին հրավիրել Է գազի հարցի շուրջն առաջին եռակողմ հանդիպմանը: Այս մասին, ինչպես տեղեկացնում է «Արմենպրես»-ը, ԻՏԱՌ-ՏԱՍՍ-ին հաղորդել է Եվրահանձնաժողովի մի աղբյուր:
Ավելի վաղ Եվրահանձնաժողովի մամուլի ծառայությունում հավաստել են քաղաքական մակարդակով գազի շուրջը բազմակողմ բանակցություններ վարելու Եվրահանձնաժողովի պատրաստակամությունը:
Ինչպես ավելի վաղ հաղորդել Է ԻՏԱՌ-ՏԱՍՍ-ը, Ուկրաինայի Էներգետիկայի եւ ածխարդյունաբերության նախարար Յուրի Պրոդանը նախօրյակին հայտարարել Է, որ ապրիլի 24-ին Բրատիսլավայում կարող են գազի խնդրին նվիրված բանակցություններ անցկացվել Ռուսաստանի, Ուկրաինայի, Սլովակիայի եւ Եվրահանձնաժողովի մասնակցությամբ: Նրա խոսքով՝ համապատասխան նախաձեռնությամբ ավելի վաղ հանդես Է եկել ռուսական կողմը:
Բաժանորդագրվեք մեր ալիքին Telegram-ում