Արմեն Աշոտյանը Ստրասբուրգում կմասնակցի կրթության նախարարների երկրորդ տարածաշրջանային հանդիպմանը

ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի Հանրապետության կրթության եւ գիտության նախարար Արմեն Աշոտյանը կմասնակցի կրթության նախարարների երկրորդ տարածաշրջանային հանդիպմանը: Ինչպես «Արմենպրես»-ին տեղեկացրին նախարարության տեղեկատվության եւ հասարակայնության հետ կապերի բաժնից, նոյեմբերի 22-23-ը նախարար Արմեն Աշոտյանի գլխավորած պատվիրակությունը կմեկնի Ստրասբուրգ:

Պատվիրակության կազմում են ՀՀ ԿԳՆ իրավաբանական վարչության պետ Վ. Բավեյանը, ԵՊՀ եւ ԵՃՇՊՀ ռեկտորներ Արամ Սիմոնյանը եւ Հովհաննես Թոքմաջյանը: Այցի ընթացքում նախարար Արմեն Աշոտյանը կհանդիպի նաև ԵԽ գլխավոր քարտուղար Թյորբորն Յագլանդի հետ: