ԻՋԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ (թղթ. Գագիկ Աղբալյան): Ա. Խաչատրյանի
անվան լարային քառյակը հոկտեմբերի 5-8-ը հանդես է եկել մարզային համերգաշարով`
«Մշակութային մարզե ծրագրի շրջանակներում: Այն իրականացվում է ՀՀ մշակույթի
նախարարության աջակցությամբ եւ նվիրված է երկու մեծությունների` Կոմիտասի եւ
Հովհաննես Թումանյանի 140-ամյակներին: Առաջին երեք համերգները կայացել են
Վանաձորում, Ստեփանավանում եւ Դիլիջանում, իսկ եզրափակիչը` Իջեւանում` Տավուշի
մարզպետարանի նիստերի դահլիճում: Քառյակի կատարմամբ հնչել են Կոմիտասի, Մակար
Եկմալյանի, ինչպես նաեւ եվրոպական հեղինակների ստեղծագործություններից:
«Այս համերգներով փորձում ենք գոնե մեկ ժամ հանդիսատեսին մատուցել
դասական երաժշտություն, որը մեզ ավելի է մոտեցնում Աստծունե,- «Արմենպրեսե-ի
հետ զրույցում նշեց քառյակի գեղարվեստական ղեկավար Վաչե Հովեյանը: Նրա խոսքով,
քառյակն այս նպատակին ծառայում է արդեն 25 տարի: Այն հիմնադրվել է 1982թ.
Զարեհ Սահակյանցի ջանքերով, մինչեւ 2001թ-ը գեղարվեստական ղեկավարն էր հայտնի
երաժիշտ եւ մանկավարժ, Երեւանի Կոմիտասի անվան պետական կոնսերվատորիայի
պրոýեսոր Արտաշես Մկրտչյանը: 2004թ-ից քառյակի աշխատանքները եւ գեղարվեստական
մասը ղեկավարում է Վաչե Հովեյանը: Այս համերգաշարին հաջորդելու են դեկտեմբերին
կայանալիք արտասահմանյան հյուրախաղերը Մերձավոր Արեւելքում եւ Հարավային
Եվրոպայում: