Դիլիջան-Իջևան ճանապարհը փակ է
1 րոպեի ընթերցում
![Դիլիջան-Իջևան ճանապարհը փակ է](http://armenpress.am/resized/480/static/news/b/2024/05/1137994.jpg)
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ։ Հայաստան-Վրաստան միջպետական ճանապարհի Դիլիջան-Իջևան հատվածում, որտեղ հեղեղումների հետևանքով փլուզում է եղել, ամրաշինական աշխատանքներ են իրականացվում։ «Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է ՀՀ ԱԺ փոխնախագահ Հակոբ Արշակյանը։
«Այս պահին աղետի գոտում ենք ՀՀ Տավուշի մարզպետ Հայկ Ղալումյանի, ՀՀ ԱԺ ՏՏԿԳՇԻ հանձնաժողովի նախագահ Վահե Ղալումյանի, ՀՀ ՏԿԵՆ ճանապարհային դեպարտամենտի տնօրեն Գոռ Ավետիսյանի հետ։
Ամրաշինական շխատանք է տարվում միջպետական ճանապարհի Դիլիջան֊Իջևան հատվածում։
Ճանապարհը փակ է երթևեկության համար, և դեպի Իջևան ուղևորվող քաղաքացիներին անհրաժեշտ է օգտագործել Ճամբարակով անցնող երթուղին»,- գրել է Արշակյանը։