387.58
Հայկ Ղևոնդյանի որդին դատական նիստերի դահլիճից ազատ է արձակվել
1 րոպեի ընթերցում
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ։ Երգիչ Հայկ Ղևոնդյանի որդին՝ Հրաչյա Ղևոնդյանը, որը նախօրեին ձերբակալվել էր իշխանությունը յուրացնելու փորձի կասկածանքով, դատարանի դահլիճից ազատ է արձակվել։ Ինչպես հաղորդում է «Արմենպրես»-ը, այս մասին հայտնել է նրա փաստաբան Էրիկ Ալեքսանյանը։
«Դատարանը մերժեց քննիչի միջնորդությունը՝ հիմնավոր կասկածի բացակայության հիմքով։ Հրաչյա Ղևոնդյանն ազատ արձակվեց դատական նիստերի դահլիճից»,- գրել է նա։
Ավելի վաղ Քննչական կոմիտեն հայտնել էր, որ Հրաչյա Ղևոնդյանը ձերբակալվել է իշխանությունը յուրացնելու փորձի կասկածանքով։
