388.78
Շարունակվում է ԵԽ աջակցությամբ «Ոստիկանության գվարդիայի մասին» օրենքի նախագծի քննարկմանը նվիրված ՆԳՆ-ԱԺ երկօրյա աշխատաժողովը
1 րոպեի ընթերցում
ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: ՆԳՆ-ԱԺ երկօրյա կլոր սեղան-քննարկումները շարունակվում են:
«Արմենպրես»-ի հաղորդմամբ՝ Ներքին գործերի նախարարությունից տեղեկացնում են, որ քննարկման շրջանակում դիտարկվում են Ոստիկանության գվարդիայի հատուկ պատրաստության, վերապատրաստման առանձնահատկությունները, գործառույթներն ու դրանցից բխող լիազորությունները:
Քննարկմանը մասնակցում են ՆԳ նախարարության ղեկավարության ներկայացուցիչներ, ԱԺ պաշտպանության և անվտանգության հարցերի, պետական-իրավական հարցերի, մարդու իրավունքների պաշտպանության և հանրային հարցերի մշտական հանձնաժողովների անդամներ, փորձագետներ:
Հանդիպման շրջանակում արձանագրվել է նաև, որ Եվրոպայի խորհրդի աջակցությամբ կմշակվեն համապատասխան կրթական մոդուլները, որոնց հիման վրա կիրականացվի վերապատրաստողների վերապատրաստում, ինչպես նաև կմշակվի օրենքից բխող ենթաօրենսդրական ամբողջական բազան:
