Չինաստանում բեռնատար ԱԹՍ-ն առաջին անգամ գրեթե կես տոննա բեռ է տեղափոխել երկու նահանգների միջև

ԵՐԵՎԱՆ, 30 ԱՊՐԻԼԻ, ԱՐՄԵՆՊՐԵՍ: Առաջին բեռնատար չվերթը, որն իրականացվել է FP-98 անօդաչու թռչող սարքի միջոցով, տեղի է ունեցել Չինաստանի Հայնանի նահանգի Հայկոու քաղաքի և Գուանդունի նահանգի Չժուհայ քաղաքի միջև։ Այդ մասին «Արմենպրես»-ը տեղեկանում է ՏԱՍՍ գործակալությունից:

Ինքնաթիռը տեղ է հասցրել է 455 կգ կենդանի մանր ծովախեցգետին։ Ըստ տեղի ԶԼՄ-ների՝ չվերթը տեղի է ունեցել ապրիլի 24-ին։ Թռիչքի հեռավորությունը կազմել է 529 կմ, ճանապարհի տևողությունը՝ 3 ժամից պակաս։ Բեռնատար չվերթը 10 ժամով կրճատել է առաքման ժամանակը ցամաքային փոխադրումների համեմատությամբ։