Արարատ Միրզոյանը Ավստրիայի և Էստոնիայի ԱԳ նախարարների հետ քննարկել է Հարավային Կովկասի անվտանգային իրավիճակը
1 րոպեի ընթերցում
![Արարատ Միրզոյանը Ավստրիայի և Էստոնիայի ԱԳ նախարարների հետ քննարկել է Հարավային Կովկասի անվտանգային իրավիճակը](http://armenpress.am/resized/480/static/news/b/2024/02/1130565.jpg)
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Մյունխենի անվտանգության խորհրդի շրջանակներում փետրվարի 16-ին ՀՀ արտաքին գործերի նախարար Արարատ Միրզոյանը շփումներ է ունեցել նաև Ավստրիայի ԱԳ նախարար Ալեքսանդր Շալենբերգի և Էստոնիայի ԱԳ նախարար Մարգուս Ցահքնայի հետ։
«Արմենպրես»-ի փոխանցմամբ՝ այս մասին հայտնում են ՀՀ արտաքին գործերի նախարարությունից:
Մտքեր են փոխանակվել երկկողմ համագործակցության, ինչպես նաև ՀՀ-ԵՄ գործընկերության հետագա խորացման հեռանկարների շուրջ։ Անդրադարձ է կատարվել Հարավային Կովկասում անվտանգային իրավիճակին և վերջին զարգացումներին։