Խորվաթիան հաղթեց Լատվիային. Հայաստանի ընտրանին դուրս մնաց ԵԱ-ի պայքարից
23:29, 18 Նոյեմբեր 2023
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Եվրոպայի առաջնության ընտրական փուլի D խմբում, որտեղ ընդգրկված է նաև Հայաստանի հավաքականը, կայացավ Լատվիա-Խորվաթիա հանդիպումը:
«Արմենպրես»-ի հաղորդմամբ` Ռիգայում կայացած խաղում Խորվաթիայի ընտրանին գերազանցեց տան տերերին` երկու անպատասխան գնդակ ուղարկելով Լատվիայի դարպասը:
Այս հաղթանակից հետո Խորվաթիայի ընտրանին մրցաշարային աղյուսակում բարձրացավ երկրորդ հորիզոնական:
Հայաստանի ընտրանին 8 միավորով զրկվեց որակավորման փուլի արգելքը հաղթահարելու հնարավորությունից:
Վերջին տուրում Հայաստանի հավաքականը կխաղա Խորվաթիայի, իսկ Ուելսը կընդունի Թուրքիային:
Բաժանորդագրվեք մեր ալիքին Telegram-ում