Իրանի արտգործնախարարը ՄԱԿ-ի ԱԽ-ին և ՄԱԳԱՏԷ-ին կոչ է արել միջոցներ ձեռնարկել Իսրայելի ապամիջուկայնացման համար
2 րոպեի ընթերցում
![Իրանի արտգործնախարարը ՄԱԿ-ի ԱԽ-ին և ՄԱԳԱՏԷ-ին կոչ է արել միջոցներ ձեռնարկել Իսրայելի ապամիջուկայնացման համար](http://armenpress.am/resized/480/static/news/b/2023/11/1123589.jpg)
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Իրանի արտգործնախարար Հոսեյն Ամիր Աբդոլլահիանը ՄԱԿ-ի Անվտանգության խորհրդին (ԱԽ) և Ատոմային էներգիայի միջազգային գործակալությանը (ՄԱԳԱՏԷ) կոչ է արել շտապ միջոցներ ձեռնարկել Իսրայելի ապամիջուկայնացման համար, հաղորդում է «Արմենպրես»-ը։
Israeli regime minister's statements on use of nukes testify to regime's true defeat against Resistance. UNSC & IAEA must act immediately & forthwith to disarm this ferocious & apartheid regime. Tomorrow's late. Full responsibility of this genocide rests with the White House.
— H.Amirabdollahian امیرعبداللهیان (@Amirabdolahian) November 6, 2023
Պաշտոնյան այս կերպ է արձագանքել Երուսաղեմի և հրեական պետության ժառանգության գործերի նախարար Ամիhայ Էլիյահուի հայտարարությանը, որը հնարավոր է համարել Գազայի հատվածում միջուկային զենքի կիրառումը։
«Միջուկային զենքի կիրառման մասին Իսրայելի վարչակարգի նախարարի հայտարարությունները ցույց են տալիս վարչակարգի իրական ձախողումը Դիմադրության դիմաց: ՄԱԿ-ի ԱԽ-ն և ՄԱԳԱՏԷ-ն պետք է հրատապ միջոցներ ձեռնարկեն վայրագ և ապարտեիդ վարչակարգի զինաթափման համար։ Վաղը ուշ կլինի։ Այս ցեղասպանության ամբողջական պատասխանատուն Սպիտակ տունն է», - գրել է Աբդոլլահիանը X սոցիալական ցանցում:
The Guardian պարբերականը հաղորդում է, որ իսրայելցի նախարար Ամիհայ Էլիյահուի հայտարարությունից հետո Իսրայելի վարչապետ Բենյամին Նեթանյահուն նրան նկատողություն է տվել և զրկել նախարարների կաբինետի հանդիպումներին մասնակցելու իրավունքից։