ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ։ Բելգիան ծանր այրվածքների բուժման գործում մասնագիտացած մի խումբ մասնագետների է ուղարկել Հայաստան՝ Ստեփանակերտի մերձակայքում բենզինի պահեստում տեղի ունեցած պայթյունի հետևանքով տուժածներին Բելգիա տեղափոխելու համար։ «Արմենպրես»-ի փոխանցմամբ՝ այս մասին X սոցիալական հարթակում հայտնել է թագավորության արտգործնախարար Հաջա Լահբիբը։

«Բելգիան արձագանքել է Լեռնային Ղարաբաղում վառելիքի պահեստում պայթյունից հետո օգնություն տրամադրելու Հայաստանի խնդրանքին։ Երևան է մեկնում «Բելգիայի առաջին օգնության և աջակցության թիմից» մի խումբ՝ ծանր այրվածքների մասնագետներ։ Տուժածները կտեղափոխվեն Բելգիա և բուժում կստանան այստեղ», - գրել է պաշտոնյան։

La répond à la demande d’aide de l’Arménie suite à l’explosion d’un dépôt de carburant dans le Haut-Karabakh. Une équipe #BFAST dédiée aux grands brulés se rend à Erevan. Des victimes seront transférées et prises en charge en Belgique. https://t.co/HY3xaj1mHy pic.twitter.com/L9dpuKkhed

— Hadja Lahbib (@hadjalahbib) October 4, 2023

Սեպտեմբերի 25-ի երեկոյան Ստեփանակերտ-Ասկերան ավտոճանապարհին հարակից վառելիքի պահեստում խոշոր պայթյունի հետևանքով զոհվել է ավելի քան 170 մարդ։