Հայաստանում մեկ օրում հաստատվել է Covid-19-ի 16 դեպք. մահվան դեպք չի արձանագրվել
11:12, 6 Ապրիլ 2022
ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: Հայաստանում ապրիլի 6-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 422 հազար 610 դեպք, որից 410 հազար 252-ը`առողջացած, 8619-ը` մահվան ելքով:
Կորոնավիրուսային հիվանդությամբ այս պահին փաստացի բուժում է ստանում 2060 բուժառու:
«Արմենպրես»-ի հաղորդմամբ՝ այս մասին հայտնում է ՀՀ առողջապահության նախարարությունը:
Մեկ օրում կատարվել է 2479 թեստավորում, հաստատվել է կորոնավիրուսային հիվանդության 16 նոր դեպք, առողջացել է 23 քաղաքացի, մահվան դեպք չի արձանագրվել:
Թեստավորումների ընդհանուր թիվը հասել է 2 միլիոն 988 հազար 475 -ի:
Բաժանորդագրվեք մեր ալիքին Telegram-ում