Ժամանակը Երևանում՝ 11:07:36,   23 Մայիս

«Հանրակրթության մասին» օրենքի վերաբերյալ խորհրդարանական լսումներին մասնակցում է  130 անձ  

«Հանրակրթության մասին» օրենքի վերաբերյալ խորհրդարանական լսումներին 
մասնակցում է  130 անձ

 

ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Ազգային ժողովի գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովը կազմակերպել է խորհրդարանական լսումներ «Հանրակրթության մասին» օրենքի փոփոխությունների վերաբերյալ:

Ինչպես տեղեկացնում է «Արմենպրես»-ը, հանձնաժողովի նախագահ Սիսակ Գաբրիելյանը հիշեցրեց, որ մեկ ամիս առաջ Ազգային ժողովը առաջին ընթերցմամբ ընդունեց «Հանրակրթության մասին» օրենքի փոփոխությունների նախագիծը:

«Փոփոխությունները հսկայական են, ամենատարբեր ոլորտներին վերաբերող և համապատասխան հանձնաժողովում քննարկման ընթացքում, այդ թվում` մեր ընդդիմադիր գործընկերների առաջարկով, որոշեցինք կազմակերպել հանրային լսումներ, որպեսզի ավելի առարկայական, գուցե առաջին ձեռքից տեղեկանանք այն բոլոր խնդիրների մասին, որոնք այսօր կան մեր դպրոցներում: Լսենք նաև ձեր կողմից առաջարկություններ, ներկայացված նախագծի վերաբերյալ դիտողություններ: Մոտ 130 մասնակից այսօր ներկա լինելու ցանկություն է հայտնել»,- ասաց Գաբրիելյանը:

Հանձնաժողովի նախագահը նշեց, որ խորհրդարանական լսումները նախատեսվում է, որ կտևեն մոտ չորս ժամ:

Նախագիծը ներկայացնում է ԿԳՄՍ նախարարի տեղակալ Ժաննա Անդրեասյանը, այնուհետև կհաջորդեն հարցեր հիմնական զեկուցողին, մասնակիցները հանդես կգան ելույթներով:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]