387.58
Վճռական ենք այդ բարեփոխումներն իրականացնելու հարցում. Փաշինյանը՝ պրոֆեսիոնալ բանակի հիմնման մասին
1 րոպեի ընթերցում
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Հայաստանում բանակը գտնվում է բարեփոխումների փուլում, պետությունը վճռական է այդ բարեփոխումներն իրականացնելու հարցում՝ որպես նպատակ ունենալով պրոֆեսիոնալ բանակի հիմնումը:
«Արմենպրես»-ի փոխանցմամբ՝ այս մասին ասաց ՀՀ վարչապետ Նիկոլ Փաշինյանը՝ Հանրային հեռուստաընկերությանը տված հարցազրույցում պատասխանելով հարցին, թե ինչպես է գնահատում բանակի մարտունակությունը, սպառազինություն։
Փաշինյանը չցանկացավ այս թեմային շատ մանրամասն անդրադառնալ, սակայն նշեց. «Մեր բանակը գտնվում է բարեփոխումների փուլում: Եվ մենք վճռական ենք այդ բարեփոխումներն իրականացնել՝ որպես նպատակակետ ունենալով պրոֆեսիոնալ բանակի հիմնումը Հայաստանի Հանրապետությունում՝ պրոֆեսիոնալ բանակի, որի գործուն էությունը հիմնված է բացառապես պաշտպանական տրամաբանության վրա»:
Փաշինյանը հիշեցրեց նաև, որ կառավարության ծրագրում արձանագրել են, որ ՀՀ-ն որևէ ռազմական հարձակում իրագործելու նպատակ չունի: «ՀՀ զինված ուժերը պետք է պատշաճ ձևով պաշտպանեն ՀՀ տարածքը և սահմանները հնարավոր ագրեսիաներից: Սա է մեր նպատակը»,-ասաց վարչապետը:
