Երևանում՝ 11:07,   3 Մարտ 2024

Կամերային նվագախումբը և Արեգ Նավասարդյանը կներկայանան «Տարվա եղանակներ» խորագրով համերգով

Կամերային նվագախումբը և Արեգ Նավասարդյանը կներկայանան «Տարվա 
եղանակներ» խորագրով համերգով

ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Հայաստանի պետական կամերային նվագախումբը (գեղարվեստական ղեկավար և գլխավոր դիրիժոր`Վահան Մարտիրոսյան) դիրիժոր Հարություն Արզումանյանի ղեկավարությամբ հանդես կգա համերգային ծրագրով: Որպես մենակատար ելույթ կունենա ջութակահար Արեգ Նավասարդյանը:

«Արմենպրես»-ի հաղորդմամբ՝ «Տարվա եղանակներ» խորագրով երեկոն տեղի կունենա մայիսի 25-ին Կոմիտասի անվան կամերային երաժշտության տանը:

Ծրագրում Ա. Վիվալդիի «Տարվա եղանակներ» և Սիմֆոնիա սոլ մաժոր ստեղծագործություններն են:

Արեգ Նավասարդյանը միջազգային մրցույթների դափնեկիր է. Դեմիդովսկու անվ. 8-րդ մրցույթ (Եկատերինբուրգ, 2019, 2-րդ մրց.), New York International Artists Competition (ԱՄՆ, 2014, 2-րդ մրց.), American Protégé International Competition (ԱՄՆ, 2013, 1-ին մրց): Մասնակցել է տարբեր համերգների և փառատոնների Հայաստանում, Ռուսաստանում, Վրաստանում, Ավստրիայում, Իտալիայում, Շվեյցարիայում, Հունգարիայում և ԱՄՆ-ում (Carnegie Weill Hall), Ջենովայում (Teatro Carlo Felice), ինչպես նաև UNESCO-ի կազմակերպած համերգներին:

Արեգ Նավասարդյանը վարպետության դասեր է առել Շլոմո Մինցից, Բորիս Կուշնիրից, Միհաելա Մարտինից, Պավել Վերնիկովից, Քշիշտոֆ Վեգրժինից, Դեյվիդ Չերոնիից, Զախար Բրոնից, Վիկտոր Դանչենկոյից և այլ հայտնի երաժիշտներից:


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]