Ժամանակը Երևանում՝ 11:07:36,   4 Մարտ

«Քալաշյան» պարարվեստի դպրոցը «Անտունի» անդրանիկ հոլովակը նվիրել է հայ զինվորներին

«Քալաշյան» պարարվեստի դպրոցը «Անտունի» անդրանիկ հոլովակը նվիրել է հայ 
զինվորներին

«ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ: «Քալաշյան» պարարվեստի դպրոցը երաժշտասերներին է ներկայացրել «Անտունի» տեսահոլովակը, որը նվիրված է 2020-ի պատերազմին և հերոս, ապրելու համար կյանք տված ու մեր կողքին ապրող հայ զինվորին:

«Արմենպրես»-ի հաղորդմամբ՝ միտքն առաջացել է պատերազմի ընթացքում, բայց իրագործվել ավարտից հետո: Տեսահոլովակում գեղարվեստական ղեկավար Ասատուր Քալաշյանի գեղեցիկ բեմադրությունն իրականություն են դարձրել «Քալաշյան» պրոֆեսիոնալ պարային դպրոցի սաները, իսկ մենակատարը դպրոցի գլխավոր փորձավարուհի Աննա Քալաշյանն է:

«Մենք փորձել ենք ակտիվացնել մշակույթն այս դժվար օրերին: Մշակութային գործիչներն իրենց ստեղծագործություններով պետք է կարողանան ազգին հույսի ճանապարհ ցույց տալ, որպեսզի հնարավոր լինի շարունակել նոր կետից»,-նշում է Ասատուր Քալաշյանը:

«Անտունի»-ի երաժշտությունը կոմպոզիտոր Գեորգի Գուրջիևինն է, դաշնակահարն է Հայկ Մելիքյանն: Բեմադրող-օպերատորն է Արթուր Օրդոյանը: Տեսահոլովակում պատերազմից առաջ գործող շքեղ դահլիճ է, որին հաջորդում է ավերվածը, որը հիշեցնում է Շուշիում հակառակորդի հրթիռակոծությունից ավերված մշակույթի տունը: Սյուժեի հեղինակը Ասատուր Քալաշյանն է:

«Քալաշյան» պարարվեստի դպրոցը գործում է արդեն 7 տարի, ունեցել է բազմաթիվ համերգներ և մենահամերգներ, իսկ «Անտունին» նրանց մեկնարկային տեսահոլովակն է:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ