1000х90.jpg (78 KB)

Երևանում՝ 11:07,   29 Մարտ 2024

Աշխարհազորի ստեղծման օրենսդրական փաթեթը սպասված և կարևոր է. պատգամավոր

Աշխարհազորի ստեղծման օրենսդրական փաթեթը սպասված և կարևոր է. 
պատգամավոր

ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ազգային ժողովի «Իմ քայլը» խմբակցության պատգամավոր Սոֆյա Հովսեփյանը սպասված և կարևոր է համարում աշխարհազորի ստեղծման օրենքների նախագծերի փաթեթը: «Արմենպրես»-ի փոխանցմամբ՝ այս մասին Հովսեփյանն ասաց սեպտեմբերի 11-ին անցկացված առցանց քննարկման ընթացքում:

«Այս փաթեթի Ազգային ժողով գալուն սպասում եմ օր առաջ, որովհետև համարում եմ այս մեկուկես տարիների ընթացքում այն կարևոր փաթեթներից մեկը, որին ես պետք է կողմ քվեարկեմ»,- ասաց Հովսեփյանը:

Անդրադառնալով փաթեթի կարևորությանը՝ պատգամավորը նշեց, որ դրա անհրաժեշտությունը զգացվեց հատկապես 2016թ. Ադրբեջանի կողմից սանձազերծված Ապրիլյան պատերազմի ընթացքում, երբ քաղաքացիներից շատերը ցանկություն հայտնեցին կամավոր մեկնել առաջնագիծ:

«Երբ մենք չենք ավարտել պատերազմը, Արցախի հարցը բանակցային փուլում է, ունենք թշնամի, որը բացարձակ ոչ մի արժեք հաշվի չի առնում, յուրաքանչյուրս պետք է պատրաստ լինենք, թե՛ կանայք, թե՛ տղամարդիկ, որոնք դրա ցանկությունն ունեն, անհրաժեշտության դեպքում առաջնագծում զինվորի կողքին կանգնելու: Այս առումով սա համարում եմ ուշացած նախագիծ, որովհետև սա միշտ պետք է լիներ»,- նշեց պատգամավորը՝ հավելելով, որ երկրի անվտանգության թիվ մեկ գրավականներից մեկը մարտունակ թիկունք ունենալն է:

Պաշտպանության նախարարությունը e-draft.am իրավական ակտերի նախագծերի հրապարակման միասնական կայքում հանրային լայն քննարկման է ներկայացրել «Տեղական ինքնակառավարման մասին» Հայաuտանի Հանրապետության օրենքում լրացումներ կատարելու մասին» օրենքի նախագիծը։ Օրենքի նախագծի համաձայն սահմանվում են տեղական ինքնակառավարման մարմիններում աշխարհազորի ստեղծման և ղեկավարման, աշխարհազորայինների հավաքագրման հետ կապված հարաբերությունները:

Նորայր Շողիկյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]