Իսրայելը հարված է հասցրել Գազայի հատվածում ՀԱՄԱՍ-ի օբյեկտներին
1 րոպեի ընթերցում
![Իսրայելը հարված է հասցրել Գազայի հատվածում ՀԱՄԱՍ-ի օբյեկտներին](http://armenpress.am/resized/480/static/news/b/2020/08/1025768.jpg)
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Իսրայելական տանկերը եւ ինքնաթիռները, ի պատասխան պայթուցիչով օդապարիկների արձակման, Գազայի հատվածում գրոհել են ՀԱՄԱՍ-ի ռազմական ենթակառուցվածքի օբյեկտների վրա: Այդ մասին, ինչպես տեղեկացնում Է «Արմենպրես»-ը, հայտնել Է բանակի մամուլի ծառայությունը:
«Ի պատասխան Գազայի հատվածից Իսրայելի տարածք պայթուցիչով օդապարիկների արձակման, այսօր մեր տանկերն ու ինքնաթիռները հենց նոր հարված հասցրեցին Գազայում ՀԱՄԱՍ-ի ռազմական կետերին եւ ստորգետնյա օբյեկտներին»,-ասվում Է Twitter-ում զետեղված բանակի հաղորդագրության մեջ:
Օգոստոսի սկզբից Գազայից Իսրայելի կողմն սկսել են պայթուցիկ սարքերով օդապարիկներ արձակել:
Ի պատասխան, Իսրայելի բանակը վերջին երկու շաբաթվա ընթացքում ամեն օր հարվածներ Է հասցրել պաղեստինյան ՀԱՄԱՍ շարժման ռազմական ենթակառուցվածքի ուղղությամբ, հաղորդել Է ՌԻԱ Նովոստին: