1000х90.jpg (78 KB)

Երևանում՝ 11:07,   29 Մարտ 2024

Տաշիր հիմնադրամը 300 հազար դոլար է նվիրաբերել Հայաստանի շտապ օգնության ծառայության աշխատակիցներին

Տաշիր հիմնադրամը 300 հազար դոլար է նվիրաբերել Հայաստանի շտապ օգնության 
ծառայության աշխատակիցներին

ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ։ «Տաշիր» բարեգործական հիմնադրամը 300 հազար դոլարին համարժեք դրամ է նվիրաբերել  «Հայաստան» համահայկական հիմնադրամին՝Հայաստանի շտապ բժշկական օգնության ծառայության 1786 բժիշկներին,  բուժքույրերին, բուժակներին, սանիտարներին, կարգավարներին ու վարորդներին միանվագ ֆինանսական աջակցություն տրամադրելու նպատակով։ «Արմենպրես»-ի փոխանցմամբ՝ այս մասին համատեղ հաղորդագրություն են տարածել «Հայաստան» համահայկական հիմնադրամը և «Տաշիր» բարեգործական հիմնադրամը․

«Այսօր շտապ օգնության բժշկական ավագ, միջին, կրտսեր և օժանդակ ծառայողները ֆինանսական աջակցություն ստացան համաձայն ՀՀ առողջապահության նախարարության կողմից ներկայացված հետևյալ բաշխման ցուցակի՝ Երևան – 36,930,000 դրամ, Կոտայքի մարզ – 16,020,000դրամ, Լոռու մարզ – 16,645,000դրամ, Շիրակի մարզ – 13,330,000դրամ, Արարատի մարզ – 11,740,000դրամ, Արմավիրի մարզ – 9,795,000դրամ,Գեղարքունիքի մարզ - 9,985,000դրամ, Սյունիքի մարզ – 8,630,000դրամ,Արագածոտնի մարզ – 7,960,000դրամ, Տավուշի մարզ – 7,925,000դրամ, Վայոց Ձորի մարզ – 4,890,000դրամ։

Նշենք, որ «Տաշիր» հիմնադրամի հետ համագործակցությունը շարունակական բնույթ է կրում։ Դեռ ապրիլին «Տաշիր» հիմնադրամը ևս 100,000 ԱՄՆ դոլար էր փոխանցել «Հայաստան» համահայկական հիմնադրամին։ Միջոցների մի մասն ուղղվեց կորոնավիրուսի հաղթահարմանն ուղղված միջոցառումներին, մնացած մասը՝ Ռուսաստանից վերադարձող ՀՀ քաղաքացիների տեղափոխման ֆինանսավորմանը։

Ս․թ․ մարտի 18-ից սկիզբ առած համահայկական «COVID-19 Հայաստան. միասին հաղթահարենք համաճարակը» դրամահավաք–արշավն իրականացվում է ՀՀ նախագահի, ԱՀ նախագահի, սփյուռքի գլխավոր հանձնակատարի գրասենյակի, ՀՀ առողջապահության նախարարության և ՀՀ արտաքին գործերի նախարարության հետ սերտ համագործակցութամբ։

Ընդհանուր առմամբ, արդեն հավաքագրվել է 770,000 ԱՄՆ դոլար, որից շուրջ 600 հազարն արդեն ուղղվել է մեծածավալ բժշկական պարագաների ու սարքավորումների ձեռք բերմանը, շտապ օգնության անձնակազմին ֆինանսական աջակցությանը,  Երևանի և մարզերի կարիքավոր ծերերին ամենամսյա սննդի մատակարարմանը, ինչպես նաև բազմաթիվ հայրենակիցների Հայաստան վերադարձին։ Միևնույն ժամանակ արտերկրից ստացվել են մեծածավալ նվիրատվություններ ապրանքի տեսքով, որոնք փոխանցվել են առողջապահության նախարարությանը։ Դրամահավաք-արշավի ընթացքում շարունակում է ընդլայնվել նաև համահայկական ցանցը, ստեղծվում են նոր համագործակցություններ թե՛ Հայաստանի և թե՛ Սփյուռքի տարբեր կազմակերպությունների հետ։

Համահայկական այս կարևոր շարունակական ձեռնարկին կարող եք միանալ  հետևյալ հղմամբ՝ www.himnadram.org,-  ասված է հաղորդագրության մեջ։  

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]