ՀՀ վարչապետը բռնության որևէ դրսևորում անընդունելի է համարում

ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը անընդունելի է համարում բռնության որեւէ դրսեւորում: Ինչպես տեղեկացնում է «Արմենպրես»-ը, անդրադառնալով «Էրեբունի պլազա» հյուրանոցում տեղի ունեցած միջադեպին` ՀՀ վարչապետը «Ֆեյսբուք»-ի իր էջում գրել է.

«Բռնության որևէ դրսեւորում, որևէ պատճառով կամ հիմնավորմամբ՝ անընդունելի է: Ո՛չ բռնությանը: Հայաստանն առանց բռնության»:

Ոստիկանությունը հունվարի 23-ին ժամը 14:45-ին ահազանգ էր ստացել «Էրեբունի պլազա» բիզնես կենտրոնի շենքի ներսում անհայտ անձի կողմից կրակոցների մասին:

ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը հայտնել էր, որ «Էրեբունի պլազա»-ում կրակոցներ արձակած անձը զենքը հանձնել է ոստիկանությանը և վնասազերծվել է: