Պորոշենկոն հայտարարել է Ուկրաինայի նորընտիր նախագահին աջակցելու պատրաստակամության մասին
22:07, 21 Ապրիլ 2019
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Ուկրաինայի գործող նախագահ, նախագահի թեկնածու Պյոտր Պորոշենկոն ընդունել է իր պարտությունը Ուկրաինայի նախագահական ընտրությունների երկրորդ փուլում:
Ինչպես հաղորդում է «Արմենպրես»-ը, վկայակոչելով ՌԻԱ նովոստին, Պորոշենկոն հայտարարել է, որ պատրաստ է աջակցել Ուկրաինայի նոր նախագահ Վլադիմիր Զելենսկուն, ով երկրորդ փուլի նախնական արդյունքներով վստահ հաղթանակ է տանում:
«Ես ցանկանում եմ ընդգծել, որ ոչ ոք նույնիսկ չի կասկածել, որ անձամբ ես ու իմ ամբողջ թիմը պատրաստ ենք աջակցել նախագահին իր բոլոր որոշումներում, որոնք կհամապատասխանեն Ուկրաինայի ազգային շահերին և կմոտեցնեն մեզ Եվրամիությանն ու ՆԱՏՕ-ին,- ասել է Պորոշենկոն:
Բաժանորդագրվեք մեր ալիքին Telegram-ում