Կանադայի Հայոց թեմի ներկայացուցիչը հանդիպել է ԱՄԷ դեսպանի հետ
18:58, 20 Մարտ 2019
ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Կանադայում Միացյալ Արաբական Էմիրությունների դեսպան Ֆահադ Սաեդ Մոհամեդ ալ-Ռաքբանն Օտտավայում հանդիպել է Կանադայի Հայոց թեմի ներկայացուցիչ Գերշ. Տ. Բաբկեն արքեպիսկոպոս Չարյանին: Ինչպես հաղորդում է «Արմենպրես»-ը՝ վկայակոչելով ԱՄԷ պետական լրատվական գործակալությունը, հանդիպման ընթացքում քննարկվել են կապերը ԱՄԷ և Հայաստանի միջև:
Չարյանը բարձր է գնահատել ԱՄԷ աջակցությունն այդ երկրի հայկական համայնքին և այդ կապակցությամբ իր երախտիքի խոսքն է հայտնել:
Հիշելով Միացյալ Էմիրություններում անցկացրած տարիները՝ Կանադայի Հայոց թեմի ներկայացուցիչը նշել է, որ արաբական երկրների տարածաշրջանում հայերը հաստատվել են վաղ ժամանակներից:
Բաժանորդագրվեք մեր ալիքին Telegram-ում