Պիտեր Բալաքյանը կմասնակցի Նյու Ջերսիում կայանալիք Հայոց ցեղասպանության 100-րդ տարելիցին նվիրված գիտաժողովին
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Գրող և Հայոց ցեղասպանության գիտակ Պիտեր Բալաքյանը կմասնակցի ԱՄՆ Նյու Ջերսի նահանգի Բերգենի համայնքային քոլեջում Հայոց ցեղասպանության 100-րդ տարելիցին նվիրված գիտաժողովին: «Արմենպրես»-ի փոխանցմամբ` այդ մասին հաղորդում է Բերգենի համայնքային քոլեջի պաշտոնական կայքը:
Գիտաժողովին շրջանակում բազում գրական մրցանակների արժանացած գրողը կխոսի Հայոց ցեղասպանության և 100-րդ տարելիցի պատմական կարևորության մասին: Նաև նախատեսվում է հարց ու պատասխան գրողի հետ:
Գիտաժողովի շրջանակում տեղի կունենա «Վիլյամ Սարոյան. Մարդ, գրող» վավերագրական ֆիլմի ցուցադրությունը, որը նվիրված է մեծ հայի անձնական և ստեղծագործական կյանքին, նրա աշխարհայացքին: Ֆիլմի հեղինակն է Փոլ Կալինյանը, ով առաջին անգամ Սարոյանին հանդիպելիս պատկերացում չէր կարող ունենալ, թե ինչպես կծավալվի այդ ծանոթությունը: Լուսանկարիչ Կալինյանի ստեղծած դիմանկարներն էին, որ 15 տարի անց հիմք գտան այսօր բոլորին քաջ հայտնի Սարոյանին նվիրված նամականիշերի վրա:
Բաժանորդագրվեք մեր ալիքին Telegram-ում