Հիդրոմետ ծառայությունը հերքում է սպասվող ցուրտ ձմռան վերաբերյալ ապատեղակատվությունը
15:27, 13 Նոյեմբեր 2014
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ԱԻՆ Հիդրոմետ ծառայությունը հերքել է մի շարք լրատվամիջոցներում տարածված` կանխատեսվող ցուրտ ձմռան վերաբերյալ տեղեկատվությունը: Ինչպես «Արմենպրես»-ին տեղեկացրին ՀՀ ԱԻՆ Հիդրոմետ ծառայությունից, նման տեղեկատվություն որևէ լրատվամիջոցի չի տրամադրվել, քանի որ ձմռան կանխատեսման հաշվարկները դեռ ավարտված չեն:
Կանխատեսումը հնարավոր կլինի հրապարակել միայն նոյեմբերի 20-25-ն ընկած ժամանակահատվածում, որի վերաբերյալ հաղորդագրությունը կտեղադրվի ՀՀ արտակարգ իրավիճակների նախարարության պաշտոնական կայքում և կտրամադրվի զանգվածային լրատվամիջոցներին:
Բաժանորդագրվեք մեր ալիքին Telegram-ում