Հայաստանի նկատմամբ Համաշխարհային բանկի վստահությունն աճել է

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Համաշխարհային բանկի Զարգացման ծրագիրն ուղղված է համաշխարհային ճգնաժամի հետևանքները վերացնելուն, և Հայաստանին տրվող վարկը հենց այդ շարքից է: Հանրային խորհրդի անդամ, տնտեսագիտական գիտությունների թեկնածու Կառլեն Խաչատրյանը փետրվարի 22-ին լրագրողների հետ հանդիպման ժամանակ անդրադարձավ Համաշխարհային բանկի կողմից Հայաստանին տրամադրվելիք 80 միլիոն դոլարի չափով ֆինանսական աջակցության մասին: Ինչպես հաղորդում է «Արմենպրես»-ը, տնտեսագետը նշեց, վարկը տրամադրվում է Հայաստանում աղքատությունը նվազեցնելու, մրցունակությունը բարձրացնելու, բարենպաստ բիզնես միջավայր ստեղծելու համար: Փորձագետը շեշտեց, որ վարկի տրամադրումը վկայում է, որ տրված նախկին գումարները հասել են իրենց նպատակին, բանկը գոհ է ՀՀ կառավարության աշխատանքներից, և մեծացել է Հայաստանի հանդեպ Համաշխարհային բանկի վստահությունը:

«Մեկ երեխայի նպաստը 2007 թվականին կազմում էր 2500 դրամ, իսկ 2011 թ-ին արդեն' 18 000 դրամ»,- մասնավորեցրեց տնտեսագետը:

Կառլեն Խաչատրյանի խոսքով` թեև վարկը տրվում է 1,25 տոկոսադրույքով, ինչի արդյունքում աճում է Հայաստանի արտաքին պարտքը, սակայն դրական արդյունքներն ավելի մեծ են լինելու: