ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Հայ-իրանական տնտեսական հարաբերությունները զարգացման լուրջ հնարավորություններ ունեն: Ինչպես հաղորդում է «Արմենպրես»-ը` վկայակոչելով իրանական IRNA-ն, այս մասին հայտարարել է Իրանում ՀՀ արտակարգ և լիազոր դեսպան Գրիգոր Առաքելյանը:

«Իրանը և Հայաստանը տնտեսական համագործակցության համար բազմաթիվ համատեղ հնարավորություններ ունեն»,- ասել է դեսպանը` ընդգծելով, որ Հայաստանը հետաքրքրված է Իրանի հետ հարաբերությունները զարգացնելու հարցում: Դիվանագետը հիշեցրել է, որ առևտրաշրջանառության առումով Իրանը Հայաստանի չորրորդ գործընկերն է: Անցած տարվա ընթացքում երկու երկրների առևտրաշրջանառությունն աճել է 40 տոկոսով` կազմելով 320 մլն դոլար: «Եթե Իրանն անդամակցի Առևտրի համաշխարհային կազնմակերպությանը, երկու երկրների համագործակցությունը կարող է էլ ավելի ընդլայնվել տարբեր ոլորտներում»,- շեշտել է Գրիգոր Առաքելյանը:  

Դիտվել է 373 անգամ