ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Չինական մշակույթը ապրիլին կներկայացվի Հայաստանում: Ինչպես «Արմենպրես»-ի հետ զրույցում նշեց Հայաստանի Հանրապետության մշակույթի փոխնախարար Արթուր Պողոսյանը, հայ-չինական մշակութային հարաբերությունները շատ բարձր մակարդակի վրա են գտնվում: Նախորդ տարի Չինաստանում անցկացվել են Հայաստանի մշակույթի օրերը, եւ այժմ իրենք կներկայանան Հայաստանում:

Քանի որ այս տարի Հայաստանում հայտարարված է գրքի տարի, չինական կողմի հետ բանակցություններ են տարվում համատեղ միջոցառումների անցկացման մասին:

Արթուր Պողոսյանը տեղեկացրեց, որ իրավապայմանագրային համակարգում մենք նույնպես ունենք համագործակցության հուշագիր: Ստորագրված է կոնկրետ գործողությունների ծրագիր, որով նախատեսվում է ոչ միայն մշակութային օրերի, այլեւ բազմաբնույթ միջոցառումների անցկացում:

Դիտվել է 655 անգամ