Anonymous-ը վերսկսում է «Հայոց ցեղասպանություն» գործողությունը` ընդդեմ պաշտոնական Թուրքիայի
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Anonymous հաքերային խմբավորումը հայտարարում է «Հայոց ցեղասպանություն» գործողության վերագործարկման մասին:
Ինչպես տեղեկացնում է «Արմենպրես»-ը` հիմք ընդունելով խմբավորման կողմից տարածվող տեսահաղորդագրությունը, աշխարհի ամենահայտնի հաքերները նշում են, որ #OpArmGenocide-ը ժամանակավորապես կասեցվել էր` կապված մի շարք այլ գործողությունների սկսման հետ:
Տեսանյութը սկսվում է պատմական ակնարկով թուրքերի կողմից իրականացված բարբարոսությունների մասին, ապա ընդգծվում. «Այս ընթացքում մենք պատժիչ գործողություններ ենք սկսելու ընդդեմ թուրքական պաշտոնական կայքերի: Հարձակումները կրկնվելու են մեկ տարի, երկու տարի`մինչև Թուրքիան պաշտոնապես ընդունի իր մեղավորությունն ու պատասխանատվությունը»:
Anonymous-ի կողմից նմանատիպ առաջին տեսասպառնալիքը տարածվել էր հունվարի 25-ին, սակայն ԱՄՆ-ի Դաշնային հետախուզությունների գործակալության որոշումներից մեկի` ACTA-ի և MegaUpload նյութերի արագ փոխանակման համակարգի փակման դեմ գործողություների առաջնահերթության պատճառաբանությամբ` «Հայոց ցեղասպանություն» գործողությունների շարքը ժամանակավորապես կասեցվել էր:
Բաժանորդագրվեք մեր ալիքին Telegram-ում