387.58
Կասկած չունեմ, որ սահմանազատման գործընթացը իրավականորեն հիմնավորված է․ վարչապետ
1 րոպեի ընթերցում
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ։ Հայաստանի և Ադրբեջանի միջև տեղի ունեցող սահմանազատման գործընթացի վերաբերյալ որոշում կայացնելուց առաջ Հայաստանի Հանրապետության կառավարությունում անվտանգության խորհրդի և այլ ձևաչափերով տեղի են ունեցել տասնյակ քննարկումներ։
«Արմենպրես»-ի հաղորդմամբ՝ Ազգային ժողովում կառավարության անդամների հետ հարցուպատասխանի ժամանակ այս մասին ասաց վարչապետ Նիկոլ Փաշինյանը։
«Սահմանազատման գործընթացի վերաբերյալ որոշում կայացնելուց առաջ Հայաստանի Հանրապետության կառավարությունում անվտանգության խորհրդի և ավելի ընդարձակ ձևաչափով տեղի են ունեցել տասնյակ քննարկումներ։ Ըստ էության, մեր այդ որոշումները, մոտեցումներն անցել են իրավական փորձաքննություն, թե ինչքանով են մեր արձանագրած որոշումները դե-յուրե հիմնավորված։ Եվ ես որևէ կասկած չունեմ այս որոշումների իրավականորեն հիմնավորված լինելու մեջ, որովհետև դրանց իրավական լինելը արձանագրվել է մեր համապատասխան պետական ինստիտուտներով, և այստեղ որևէ կասկած պարզապես չի կարող լինել»,-ասաց Փաշինյանը։
