1 წუთი კითხვის
სომხეთის ტერიტორიაზე პროექტ „ტრამპის გზა საერთაშორისო მშვიდობისა და კეთილდღეობისთვის“ (TRIPP) განხორციელებით სარგებელს მიიღებს როგორც რეგიონის, ისე რეგიონის გარეთ არსებული ყველა ის ქვეყანა, რომელიც პროექტში მონაწილეობს. „არმენპრესის“ ცნობით, ამის შესახებ ჟურნალისტებთან ბრიფინგზე პრემიერ-მინისტრმა ნიკოლ ფაშინიანმა განაცხადა.
„მათ შორის ირანის ისლამური რესპუბლიკა და ამერიკის შეერთებული შტატები. TRIPP-ს ჩვენი პროექტის „მშვიდობის გზაჯვარედინის“ კონტექსტში განვიხილავთ და მას ვხედავთ როგორც მშვიდობის, და არა საპირისპიროს ინსტრუმენტს. საჭიროა ამ შესაძლებლობით სარგებლობა“, - განაცხადა ფაშინიანმა.
სომხეთის რესპუბლიკასა და ამერიკის შეერთებულ შტატებს შორის პროექტ „ტრამპის გზა საერთაშორისო მშვიდობისა და კეთილდღეობისთვის“ ჩარჩო შეთანხმებას ერევანმა და ვაშინგტონმა ხელი 26 მაისს მოაწერეს. ხელმოწერის პროცესი 4 ივნისს დასრულდა აშშ-ის სახელმწიფო მდივნის, მარკო რუბიოსა და სომხეთის საგარეო საქმეთა მინისტრის, არარატ მირზოიანის ხელმოწერებით. ივლისში მთავრობამ მოწონება გამოუცხადა შეთანხმების რატიფიცირების პროექტს.