2 წუთი კითხვის
საქართველოში 2026 წლის ოქტომბერში სომხეთის კულტურის დღეები გაიმართება, რომელიც სომხეთის რესპუბლიკის დამოუკიდებლობის 35 წლისთავისადმი იქნება მიძღვნილი.
„არმენპრესის“ ცნობით, ამის შესახებ ინფორმაციას სომხეთის რესპუბლიკის განათლების, მეცნიერების, კულტურისა და სპორტის სამინისტრო ავრცელებს.
3 სექტემბერს, მოსამზადებელი სამუშაოების ფარგლებში, სომხეთის განათლების, მეცნიერების, კულტურისა და სპორტის მინისტრის მოადგილე ტიგრან ვირაბიანი თბილისს ეწვია და საქართველოს კულტურის მინისტრის მოადგილეს, გიორგი მირცხულავას შეხვდა. შეხვედრას ასევე ესწრებოდა საქართველოში სომხეთის რესპუბლიკის ელჩი აშოტ სმბატიანი. მხარეებმა საქართველოში სომხეთის კულტურის დღეების პროგრამის ორგანიზაციული საკითხები განიხილეს და ორმხრივი კულტურული კავშირების განვითარების ახალ შესაძლებლობებს შეეხნენ.
მინისტრის მოადგილე ასევე ეწვია თბილისის ზაქარია ფალიაშვილის სახელობის ოპერისა და ბალეტის ეროვნულ აკადემიურ თეატრს და თეატრის სამხატვრო ხელმძღვანელს, ბადრი მაისურაძეს შეხვდა.
საქართველოში სომხეთის კულტურის დღეების პროგრამა სომხეთის ეროვნული ფილარმონიული ორკესტრის გალა-კონცერტით გაიხსნება, რომელიც 7 ოქტომბერს გაიმართება.
ასევე დაგეგმილია ერვანდ ქოჩარის ნამუშევრების გამოფენა, რომელიც 7 ოქტომბრიდან 8 ნოემბრამდე გასტანს.