ძალიან შეშფოთებულები ვართ ამერიკის შეერთებულ შტატებსა და ირანთან დაკავშირებული ვითარებით - ნიკოლ ფაშინიანი
1 წუთი კითხვის
სომხეთის მთავრობა ძალიან შეშფოთებულია ამერიკის შეერთებულ შტატებსა და ირანთან დაკავშირებული ვითარებით.
„არმენპრესის“ ცნობით, სომხეთის რესპუბლიკის მთავრობის სხდომის შემდეგ ჟურნალისტებთან ბრიფინგზე ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა, იმ დაკვირვების საპასუხოდ, რომ აშშ-ის პრეზიდენტმა, თითქოს, ეკონომიკური ომი გამოუცხადა ირანს, და კითხვაზე, თუ რა გავლენას იქონიებს აშშ-ის ეს გადაწყვეტილება სომხეთისა და ირანის ურთიერთობებზე.
„ამერიკის შეერთებულ შტატებსა და ირანთან დაკავშირებული ვითარებით, ბუნებრივია, ძალიან შეშფოთებულები ვართ და ამ თემასთან დაკავშირებით მჭიდროდ ვთანამშრომლობთ როგორც ამერიკის შეერთებულ შტატებთან, ისე ირანთან. ჩვენი სურვილია, ეს ვითარება რაც შეიძლება მალე მოგვარდეს“, - განაცხადა ნიკოლ ფაშინიანმა.