არმენ გრიგორიანი სომხეთის რესპუბლიკის უშიშროების საბჭოს მდივნის თანამდებობიდან გათავისუფლდა

პრემიერ-მინისტრ ნიკოლ ფაშინიანის გადაწყვეტილებით, არმენ გრიგორიანი სომხეთის უშიშროების საბჭოს მდივნის თანამდებობიდან გათავისუფლდა.

„არმენპრესის“ ცნობით, პრემიერ-მინისტრის შესაბამისი გადაწყვეტილება სომხეთის რესპუბლიკის მთავრობის ვებგვერდზე e-gov.am გამოქვეყნდა.

„„უშიშროების საბჭოს ფორმირებისა და საქმიანობის შესახებ“ კანონის მე-7 მუხლის პირველი ნაწილით ხელმძღვანელობით, არმენ გრიგორიანი გათავისუფლდეს უშიშროების საბჭოს მდივნის თანამდებობიდან“, - ნათქვამია გადაწყვეტილებაში.

არმენ გრიგორიანი სომხეთის რესპუბლიკის უშიშროების საბჭოს მდივნის თანამდებობას 2021 წლის აგვისტოდან იკავებდა.