1 წუთი კითხვის
სომხეთის პრემიერ-მინისტრ ნიკოლ ფაშინიანსა და აშშ-ის პრეზიდენტ დონალდ ტრამპს შორის სატელეფონო საუბარი შედგა.
„არმენპრესის“ ცნობით, ამის შესახებ ინფორმაციას სომხეთის რესპუბლიკის პრემიერ-მინისტრის აპარატის ინფორმაციისა და საზოგადოებასთან ურთიერთობის სამმართველო ავრცელებს.
პრემიერ-მინისტრმა ფაშინიანმა მადლობა გადაუხადა პრეზიდენტ ტრამპს 2025 წლის 8 აგვისტოს ვაშინგტონში, თეთრ სახლში მშვიდობის სამიტის ორგანიზებისა და სომხეთისა და აზერბაიჯანის ლიდერების მიერ მიღებული მშვიდობის დეკლარაციის მოწმის სტატუსით ხელმოწერისთვის, და ხაზი გაუსვა პრეზიდენტ ტრამპის პირადი ძალისხმევის გადამწყვეთ მნიშვნელობას მშვიდობის დამყარების საქმეში.
თანამოსაუბრეებმა კმაყოფილებით აღნიშნეს, რომ ვაშინგტონის მშვიდობის სამიტმა განაპირობა რეალური მშვიდობა სომხეთსა და აზერბაიჯანს შორის, რომელსაც ხედავენ და გრძნობენ ორივე ქვეყნის ხალხები.
სატელეფონო საუბრისას განხილულ იქნა TRIPP პროექტის განხორციელების მიმდინარე მდგომარეობა.
პრემიერ-მინისტრმა ფაშინიანმა და პრეზიდენტმა ტრამპმა კიდევ ერთხელ დაადასტურეს თავიანთი მტკიცე გადაწყვეტილება, უახლოეს მომავალში დაიწყონ TRIPP-ის მშენებლობის სამუშაოები.
ასევე განხილულ იქნა სომხეთ-აშშ-ის ორმხრივი და საერთაშორისო დღის წესრიგის სხვა საკითხები.